اسلام آباد (م ڊ) سپريم ڪورٽ جي آئيني بئنچ ۾ وڌيڪ 2 جج شامل ڪرڻ جو فيصلو ڪيو ويو آهي، ان حوالي سان چيفجسٽس يحيٰ آفريدي جوڊيشل ڪيمشن جو اجلاس 18 اپريل تي طلب ڪري ورتو آهي، جيڪو 2 وڳي ٿيندو، جنهن جي صدارت چيف جسٽس ڪندو، اهڙي طرح 2 مئي تي به جڊيشل ڪميشن جو اجلاس طلب ڪيو ويو آهي، جنهن ۾ پشاور هاءِ ڪورٽ لاءِ مستقل چيف جسٽس ۽ بلوچستان هاءِ ڪورٽ جي ججن جي نالن تي غور ڪيو ويندو، جنهن لاءِ 28 اپريل تي ڪميشن ميمبرن کان نالا گهريا ويا آهن.
