سنڌ جا سياسي حلقا هاڻ سنڌ جو سياسي منظر نامو تبديل ٿيندي محسوس ڪري رهيا آهن جنهن جو وڏو سبب سنڌ سان ٿيندڙ زيادتيون آهن جيڪي وفاق يعني پنجاب ۽ خود سنڌ جي اقتداري قوتن کان ٿيندي ڏسڻ ۾ پيون اچن جنهن کي بنياد بڻائي سنڌ جا قومپرست توڙي عام ماڻهو احتجاجي سياست پيو ڪري پر خود حڪمران به ان ڳالهه کي مڃين پيا ته پنجاب ۽ وفاق جيڪي به فيصلا ڪرڻ ۾ جلد بازي پيو ڪري اهي سنڌ مخالف آهن جن ۾ نون ڪئنالن جي اڏاوت به شامل آهي. جنهن سان سنڌ ايندڙ سالن ۾ معاشي طور تباهه ٿيڻ وڃي آهي، جنهن جي نشاني سنڌ ۾ سوڪهڙو ۽ گهٽجندڙ زرعي پئداوار انهي حد تائين جو سنڌ جي ماڻهن جو سياسي سماجي ۽ معاشي حق ڦٻائڻ جي ڪوشش ٿي رهي آهي جنهن جو وڏو ڪارڻ سنڌ ۾ ون پارٽي اقتدار آهي جيڪو هاڻ سنڌي ماڻهو توڙي سنڌ ۾ رهندڙ ڌاريا به برداشت نٿا ڪن. هڪ پارٽي جي تسلسل سبب سنڌ ۾ بدامني لاقانونيت ۽ بدعنواني به عروج تي آهي جنهن ڪري اغوا، قتل ۽ عام ماڻهن جي ملڪيتن تي ناجائز قبضا به ٿي رهيا آهن، جنهن ڪري اقليتون توڙي عام ماڻهو لڏپلاڻ ڪري هڪ شهر کان ٻئي شهر وڃن ٿا، جنهن ڪري به انهن ۾ مايوسي پئدا ٿي چڪي آهي.
سنڌ هن وقت مختلف معاشي ۽ سياسي مسئلن جو شڪار آهي جن مسئلن تي مخالفن خاص ڪري قومپرست ڌرين جي سياست هلي رهي آهي ۽ روز احتجاج ٿين ٿا ريليون نڪرن ٿيون جنهن سنڌ حڪومت کي ٽف ٽائيم ڏنو آهي جيڪا پڻ عوامي ڊپ جو شڪار آهي ۽ ان خوف کي نظر ۾ رکندي تازو وزيرن جي کاتن ۾ به ردوبدل ڪئي وئي آهي ۽ اهي کاتا هن ماڻهن ۽ وزيرن کي ٻيهر مليا آهن جن جو به ماضي ۾ به ڪا سٺي ڪارڪردگي ناهي رهي ۽ هڪ وڏي عرصي کان وزارتن تي فائز آهن. سنڌ جا قومپرست سنڌ ۾ متبادل سياسي قيادت آڻڻ جو ارادو رکن ٿا جنهن لاءِ هنن پ پ شهيد ڀٽو جي قائد ذوالفقار علي ڀٽو جونيئر کي سياست ۾ ان ڪرائڻ جو ارادو رکن ٿا ۽ هن به سياست جو رخ اختيار ڪيو آهي جنهن فل پروٽوڪول سان لاڙڪاڻي لڳ درياهه ڪنڌي پاڻي جي مسئلي تي هڪ احتجاجي مظاهري جي قيادت ڪندي ڏسڻ ۾ آيو. سنڌ جي سياسي حلقن ذوالفقار ڀٽو جونئير جي هن سياسي تقريب کي مستقبل جي سياسي جدوجهد جو هڪ حصو سڏيو آهي جنهن سان سنڌ جي اقتداري سياست ۾ ٿرٿلو متل آهي ۽ امڪان آهن ته هن کي مستقبل جي سياسي خال ڀرڻ لاءِ ميدان تي لاٿو وڃي.
چيو وڃي ٿو ته سگهاريون ڌريون به سنڌ ۾ ون مين شو اقتدار کان هاڻ تنگ آهن جيڪي سنڌ ۾ نئين تبديلي جو ارادو رکن ٿيون.ممڪن آهي ته سنڌ جي ڪجهه مخالف سياسي ڌرين ۽ قومي سوچ رکندڙ قومپرستن کي هڪ پليٽ فارم تي گڏ ڪري ڪو نئون اتحاد ٺهرايو وڃي جنهن ۾ متحده اي اين پي فنڪشنل ليگ کي راضي ڪيو وڃي ۽ ايندڙ عام چونڊن ۾ هنن کي اڳيان آندو وڃي ۽ هڪ نئين حڪومت جڙي.امڪان ته گهٽ نظر اچن ٿا پر جيڪڏهن پي ٽي آءِ کي ايندڙ وقت ۾ ڪا سگهه ۽ حمايت ملي ٿي ته ايئن ئي ٿيندو ۽ نوان چهرا اقتدار ۾ اچن.پي ٽي آءِ اڳ ۾ به پ پ شهيد ڀٽو جي سربراهه محترمه غنوا ڀٽو کي پي ٽي آءِ ۾ شريڪ ٿيڻ يا انتخابي اتحاد جي دعوت ڏئي چڪو هو. هونئن به سنڌ جا ماڻهو ۽ بيروزگار نوجوان پ پ جي پراڻن چهرن سردارن پيرن ۽ وڏيرن کان تنگ اچي چڪا آهن
سنڌ ۾ گذريل ڪجهه سالن اندر جيڪا بدامني، بدعنواني، اغوا و قتل غارت گيري ٿي آهي، سنڌ جي پاڻي زمينن تي قبضا ٿيا آهن انهن به سنڌي ماڻهن کي گهڻو مايوس ڪيو آهي ۽ ممڪن آهي ته هن ڀيري ان جا چونڊن تي به اثر پون.پ پ اندر به ڪجهه اهڙا ماڻهو آهن جيڪي اندر اندر ۾ تبديلي چاهين ٿا، پر ڪنهن سبب خاموش آهن جو اهي مخالفن جو حشر ڏسي چڪا آهن. اهي به اطلاع گردش پيا ڪن ته پ پ قيادت آصف علي زرداري ۽ بلاول ڀٽو پارٽي کي وڌيڪ مضبوط بنائڻ لاءِ پارٽي ۾ نوان نوجوان چهرا پارٽي ۾ متعارف ڪرڻ جو ارادو رکن ٿا ۽ پارٽي پاليسي ۾ تبديلي آڻيندا. جڏهن ته زميني حقيقت اها آهي ته سنڌ ۾ پ پ پ کي ختم ڪرڻ لاءِ وڏو عرصو اڃا درڪار آهي جنهن جو مثال مڪاني ادارن جي تازين ضمني چونڊن ۾ به پ پ پ کي وڏي سرسي حاصل ٿي آهي.بلاول ڀٽو زرداري جو وفاق خاص ڪري پنجاب مخالف بيان به ان ڳالهه جي نشاندهي ڪري ٿو ته پ پ پ سنڌ ۾ پنهنجي سياسي سوچ تبديل ڪرڻ وڃي رهي آهي ۽ سنڌ جي مسئلن کي اڳيان آڻي انهن جي حق ۾ مطالبا پئي ڪري.
سنڌ کي سياسي توڙي معاشي طور ڪمزور ڪرڻ ۾ به پنجاب جو وڏو هٿ آهي جيڪو سنڌ جي ماڻهن کي سياسي ۽ معاشي مسئلن جو جواز بڻائي سنڌ ۾ گهرو ويڙهه لاءِ راهه هموار پيو ڪري جنهن ۾ نون ڪئنالن جي اڏوات به شامل آهي جنهن تي پ پ ۽ ٻيون سياسي پارٽيون توڙي قومپرست هن وقت هڪٻئي جي سامهون آهن ۽ ڪئنالن واري اشو تي پاڻ ۾ وڙهي به سگهن ٿيون.پ پ وارن پڻ ڪالهه سنڌ ۾ ڪئنالن واري اشو تي احتجاج ڪيو جڏهن ته عام ماڻهن ۽ قومپرستن به ساڳي ڏينهن تي احتجاج ڪيا. سنڌ اسيمبلي توڙي جو مخالف ٺهراءَ پاس ڪيو قومي اسيمبلي ۽ سينيٽ ۾ ڪئنال مخالف تقريرون ڪيون ويون پوءِ به سنڌ جو ماڻهو مطئمن ناهي ۽ صدر آصف زرداري کان جاري آرڊر ختم ڪرڻ جو مطالبو ڪري رهيو آهي. جيڪو شايد ئي صدر مملڪت ايئن ڪري جنهن سان پ پ وفاق سان ويڙهاند ۾ هلي وڃي ۽ پنجاب به ڪئنالن ٺهڻ تي بضد آهي.جيڪڏهن ڪئنال ٺهن ٿا ته سنڌ لاءِ وڏو سانحو هوندو ۽ سنڌ پنجاب وچ ۾ جهيڙو وڌي ۽ پ پ جون سنڌ ۾ پاڙون ڪمزور ٿين ۽ سنڌ ڪنهن نئين سياسي تبديلي طرف هلي وڃي .
سنڌ ۾ گذريل ڪجهه سالن اندر جيڪا بدامني، بدعنواني، اغوا و قتل غارت گيري ٿي آهي، سنڌ جي پاڻي زمينن تي قبضا ٿيا آهن انهن به سنڌي ماڻهن کي گهڻو مايوس ڪيو آهي ۽ ممڪن آهي ته هن ڀيري ان جا چونڊن تي به اثر پون.پ پ اندر به ڪجهه اهڙا ماڻهو آهن جيڪي اندر اندر ۾ تبديلي چاهين ٿا، پر ڪنهن سبب خاموش آهن جو اهي مخالفن جو حشر ڏسي چڪا آهن. اهي به اطلاع گردش پيا ڪن ته پ پ قيادت آصف علي زرداري ۽ بلاول ڀٽو پارٽي کي وڌيڪ مضبوط بنائڻ لاءِ پارٽي ۾ نوان چهرا پارٽي ۾ متعارف ڪرڻ جو ارادو رکن ٿا ۽ پارٽي پاليسي ۾ تبديلي آڻيندا
