لاهور (ويب ڊيسڪ) گلوڪار علي سيٺي جو جڳ مشهور گيت ”پسوڙي“ سندس ماءُ کي بلڪل پسند نه آيو.
علي سيٺي ۽ شي گل جي آواز ۾ ڳايل هي پنجابي گيت 2022ع جو چارٽ بسٽر گيت هو، جنهن سڄي دنيا ۾ نوان رڪارڊ قائم ڪيا، پر علي سيٺي جي ماءُ جگنو محسن هن گيت کي ناپسنديده قرار ڏنو.
هڪ وڊيو ۾ هن چيو ته ”مون کي پسوڙي پسند نه آهي، جڏهن ته هي گيت هاڻي بلين ويوز حاصل ڪري چڪو آهي. “
سندس چوڻ هو ته “ عليءَ کي به چئي ڇڏيو آهي ته سندس گيت نه ٿو وڻي، مون کي پنجابي راڳ ۽ غزل پسند آهن.“
هن وڌيڪ ٻڌايو ته ” عليءَ جي ڄمڻ کان اڳ مان پنجابي راڳ ۽ ڪلاسيڪي ميوزڪ گهڻو ٻڌندي هيس، گهر ۾ ٻارن سان ستن سالن جي عمر تائين پنجابي ۾ ڳالهائيندي هيس، پنجابي جا ڍولا ۽ ماهيه پسند آهن.“
