تنگواڻي ( ن ع آ ) تنگواڻي ڀرسان سنڌ بلوچستان جي سرحدي پٽي جاني ٻيڙي واري علائقي ۾ بگٽي برادري ۾ پراڻي تڪرار تان جهيڙو ٿي پيو، فائرنگ ۾ هڪ ڄڻو ظفر عرف ظفرالله هيجواڻي بگٽي قتل ٿي ويو،جڏهن ته هڪ ڄڻو زخمي ٿي پيو، اطلاع تي پوليس پهچي مقتول جو لاش ۽ زخمي کي کڻائي اسپتال منتقل ڪيو، جتان مقتول جو لاش ضروري ڪارروائي بعد وارثن حوالي ڪيو ويو، لاش گهر پهچڻ تي سندس گهر ۾ ڪهرام مچي ويو، ٻئي پاسي هڪ ڄڻي جي مارجڻ بعد ڌرين ۾ ڇڪتاڻ تيز ٿي وئي آهي، ٻئي ڌريون مورچابند ٿي ويون آهن.
