بيگاني جي شادي ۾ عبدالله ديوانو جي چوڻي اسان اڪثر ٻڌندا رھيا آھيون. اسان ھن چوڻي تي گهڻو نه ته ٿورو ضرور پورو لهون ٿا. اسان پنھنجي جنگ ته وڙھون ئي پيا پر اسان ايترا ته عبدالله جيان زنده دل آھيون جو ٻين جي جنگين ۾ به ڪاهي پئون ٿا. بلوچ قوم يقينن ھڪ باصلاحيت قوم آھي پنھنجي حقن ۽ سچ جي ويڙھ ڪرڻ ڄاڻي ٿي. پاڻ ۾ ٻڌي به اٿن جنهن جي اسان کي ساراھ ڪرڻ گھرجي پر ھن جنگ ۾ ھو اڪيلا ئي پنهنجو مٽ پاڻ آھن اسان وڌ ۾ وڌ سندن ھمٿ افزائي ڪري سگھون ٿا پر پنھنجي گھر کي ڪنھن جي حوالي نٿا ڪري سگھون.
سنڌ اسان جو گھر آھي. ھي اسان جي سرزمين آھي، ڪنھن کي اھو حق ڪونھي ته اهي سنڌ کي پنھنجي ملڪيت سمجھي. اسان سنڌي سخي ڀلي ٿيون پر ماضيءَ جون غلطيون ورجائي پنھنجي گھر کي ٻين جي حوالي ڪرڻ کان بچائڻو پوندو. اسان ٻين سان همدردي ڪري ڪري ڪڏهن کين آسمان تي ويھاري ڇڏيندا آھيون ته وري ڪنھن کي زمين بوس ڪري ڇڏيندا آھيون جيئن ماهه رنگ بلوچ جي جدوجهد کي ساراهي کيس مٿي تي چاڙهيوسين اڄ اها ئي ڪراچي کي بلوچن جو شهر قرار ڏئي رهي آهي. اھڙن روين ئي اسان کي نقصان پھچايو آھي ۽ ماڻھن کي اجايو ڳالھائڻ جو موقعو ڏنو آهي. مختصر اھو ئي چوندس ته سنڌ اسان جي آھي. صدين کان ۽ اسان جي رھندي. پنھنجي جنگ پاڻ وڙھو اسان جي سنڌ اڳ ئي واڳن جي وڙ چڙھيل آھي ان جو ڇوٽڪارو عقلمندي ۽ ٻڌي ۾ آهي. تعليم ۽ شعور ھن ڇوٽڪاري ۾ اسان جا مددگار ثابت ٿي سگھن ٿا ھروڀرو به عبدلله ٿيڻ کان بھتر آھي ھوشو ۽ دودو ٿيون ۽ سنڌ جي رکوالي ڪيون. ( سوشل ميڊيا جي پوسٽ)
