ڪراچي (رپورٽر) زراعت واري وزير سردار محمد بخش مهر جي هدايت تي سيڪريٽري زراعت سهيل احمد قريشي زراعت کاتي جي ريسرچ ونگ جي 5، ايڪسٽينشن ونگ جي 33 ۽ مارڪيٽ ڪميٽي جي 7 آفيسرن کي گريڊ 16 کان گريڊ 17 ۾ ترقي ڏيڻ جي منظوري ڏئي ڇڏي. سيڪريٽري زراعت سهيل احمد قريشي ايڪسٽينشن ونگ جي 33 آفيس اسسٽنٽ کي اسٽينوگرافر جي عهدي تي ترقي ڏني، مارڪيٽ ڪميٽي ونگ جي 5 آفيسرن کي سيڪريٽري مارڪيٽ ڪميٽي ۽ 2 آفيسرن کي آفيس سپرنٽينڊنٽ جي عهدي تي ترقي ڏني، جڏهن ته ريسرچ ونگ جي 5 آفيسرن کي سپرنٽينڊنٽ جي عهدي تي ترقي ڏني وئي. سيڪريٽري زراعت چيو ته ترقيون ڏيڻ جو سلسلو جاري رهندو، ايندڙ مرحلي ۾ ٻين آفيسرن کي به ترقيون ملنديون.
