ڪراچي(رپورٽر) ڪراچي جي نيشنل انسٽيٽيوٽ آف چائلڊ هيلٿ ۾ ڪامياب سرجري کانپوءِ نوشهروفيروز جي ٻن ڀينرن جا جسم ڌار ڪيا ويا، ٻنهي معصوم ڀينرن جا جسم پيٽ وٽان ڳنڍيل هئا، اين آءِ سي ايڇ انتظاميه موجب 4 ڪلاڪ ڊگهي سرجري ۾ چئن وڏن اسپتالن جي ماهر سرجنن حصو ورتو، آپريشن کانپوءِ ٻنهي نياڻين جي حالت بهتر آهي، اين آءِ سي ايڇ جي ايگزيڪيوٽو ڊائريڪٽر ڊاڪٽر ناصر جو چوڻ آهي ته ٻنهي ڀينرن جي سرجري مفت ڪئي وئي ۽ سمورا خرچ اسپتال انتظاميا برداشت ڪيا آهن.
