ڪراچي ( رپورٽر ) ڪراچي جي مختلف علائقن ۾ تيز هوائن ۽ برسات، سولر پينل ڪرڻ جا واقعا پيش آيا، ملير، لانڍي، گلشن اقبال، گلشن مري ۽ گلشن حديد ۾ تيز هوائن سان گڏ برسات پئي. هوائن سبب ڇت تي لڳل سولر پينل جون پليتن به متاثر ٿيون آهن. گلشن حديد ۾ تيز هوائن ۽ برسات سبب ڪيترائي وڻ ڪري پيا. وڻ ڪيرائڻ سبب ٽريفڪ جي روانگي پڻ متاثر ٿي آهي. ٻئي طرف شاهه فيصل ڪالوني ۾ تيز هوائن سبب هڪ ڪاروباري شخص 4 ماڙ عمارت جي ڇت تان ڪري فوت ٿي ويو. ريسڪيو اختيارين موجب واقعو شاهه فيصل ڪالوني نمبر 2 ۾ شمع شاپنگ سينٽر ويجهو پيش آيو، فوتي جي سڃاڻپ 48 ورهين جي وسيم احمد طور ٿي آهي.
