ڪراچي (رپورٽر)ڊسٽرڪٽ اينڊ سيشن جج اوڀر جي عدالت ۾ انساني اسمگلنگ ۽ دستاويز ۾ ردوبدل ڪرڻ واري ڪيس ۾ نامزد جوابدار صارم برني پاران ضمانت لاءِ درخواست داخل ڪئي وئي آهي، درخواستگذار پنهنجي موقف ۾ چيو ته 3 مهينا ٿي ويا آهن حتمي چالان پيش نه ڪيو ويو آهي. جوابدار عدالتي رمانڊ تي جيل ۾ آهي، وڪيل جو چوڻ آهي ته پراسيڪيويشن ٽبوت پيش نه ڪري سگهي آهي.ان کي مدنظر رکي جوابدار ضمانت جو حقدار آهي انڪري ضمانت ڏني وڃي. عدالت اڄ تائين ٻڌڻي ملتوي ڪري ڇڏي.
