ڪراچي ( رپورٽر ) ڪراچي جي مختلف علائقن ۾مختلف حادثن ۽ واقعن ۾ 5 ڄڻا فوت ۽ ھڪ ڄڻو زخمي ٿي پيو. زمان ٽائون ٿاڻي جي حد ۾ جھيڙي دوران ڇرين جي وار سان ارسلان ولد شڪور قتل ٿي ويو. پوليس مقتول جو لاش ڪارروائي لاءِ جناح اسپتال منتقل ڪري ڇڏيو ۽ واقعي بابت جاچ شروع ڪري ڏني. پورٽ قاسم ڀرسان جناح گيٽ لڳ جھنگ مان 27 سالن جي نامعلوم نوجوان جو ڦاهو لڳل تشدد ٿيل لاش پوليس کي هٿ آيو، موچڪو ٿاڻي جي حد لکي نادرن باءِ پاس جي ڀرسان روڊ ڪناري تان ھڪ نامعلوم شخص جو لاش مليو. نادرن باءِ پاس الاصف ڪانٽي جي ڀرسان زير تعمير بلڊنگ ۾ ڪم ڪرڻ دوران ڇت تان ڪري پورهيت محمد ولد عظيم فوت ٿي ويو. ڪلري ٿاڻي جي حد ماڙيپور روڊ تي ٽوٽل پمپ جي ڀرسان روڊ حادثي ۾ 16 سالن جو نوجوان عزيز ولد مناف فوت ٿي ويو. گلشن معمار ريمبو ٽاور ڀرسان فائرنگ نتيجي ۾ محمد بلال ولد نجيب الله زخمي ٿيو.
