لاهور (ويب ڊيسڪ ) پاڪستان ۽ انگلينڊ وچ ۾ ٽيسٽ سيريز جي شيڊيول جو اعلان هڪ ٻن ڏينهن ۾ ڪرڻ جو امڪان آهي.
انگلش ڪرڪيٽ بورڊ جي ڪپتان بين اسٽوڪس جو پاڪستان جي دوري کان اڳ هم اسٽرنگ انجري جو اسڪين ٿيندو.
ميڊيا رپورٽس موجب، بين اسٽوڪس جو اسڪين ايندڙ هفتي ٿيندو، اسڪين جو مقصد بين اسٽوڪس جي پاڪستان خلاف پهرين ٽيسٽ لاءِ فٽنس جو جائزو وٺڻ آهي.
ياد رهي ته بين اسٽوڪس آگسٽ جي شروعات ۾ انجري جو شڪار ٿيڻ سبب سريلنڪا خلاف سيريز مان آئوٽ ٿي ويو هو.
انگلينڊ ڪرڪيٽ ٽيم پهرين آڪٽوبر تي پاڪستان جي دوري تي روانو ٿيندي ۽ مڪمل فٽ نه هئڻ باوجود بين اسٽوڪس کي 17 رڪني اسڪواڊ جو حصو بڻايو ويو آهي.
