سڊني(ويب ڊيسڪ ) اڳوڻو آسٽريلوي ڪرڪيٽر ڊيوڊ وارنر ڀارت جي ايڪشن فلم ۾ ادڪاريءَ جا جوهر ڏيکارڻ لاءِ تيار آهي.
آسٽريلوي ميڊيا موجب، ڊيوڊ وارنر هڪ ايڪشن سان ڀرپور فلم ۾ نظر ايندو، کي ميلبورن جي يارا ريور تي هڪ شوٽنگ ۾ حصو وٺندي ڏٺو ويو آهي.
ڊيوڊ وارنر جون انوکي انداز تصويرون ۽ وڊيوز وائرل ٿي رهيون آهن، جنهن بابت چيو پيو وڃي ته وارنر هڪ ايڪشن فلم جي شوٽنگ ۾ رُڌل آهي.
ڊيوڊ وارنر طرفان ان پروجيڪٽ جو باظابطا اعلان ناهي ڪيو ويو پر پروجيڪٽ کي بالي ووڊ جو پروجيڪٽ قرار ڏنو پيو وڃي ڇو ته ويجهڙائي ۾ ڊيوڊ وارنر هڪ ڀارتي اشتهاري ڪمپني سان ڪم به ڪيو آهي.
هڪ رپورٽ ۾ دعويٰ ڪئي وئي آهي ته ڊيوڊ وارنر ڏکڻ ڀارتي جي شوٽنگ ۾ مصروف آهي جنهن ۾ هو هڪ ڊان جو ڪردار ادا ڪري رهيو آهي.
ياد رهي ته اڳوڻو آسٽريلوي اوپنر سوشل ميڊيا تي ڀارتي گيتن تي پنهنجي ڌيئرن سان گڏ ڊانس جون وڊيوز پوسٽ ڪندو رهندو آهي جيڪي تمام گهڻو پسند ڪيون وينديون آهن.
