نئون ديرو(رپورٽ: محمد علي جروار) نئين ديري ڀرسان ڪيٽي ممتاز ٿاڻي جي حد ڪچي واري علائقي ۾ نامعلوم هٿياربندن جي فائرنگ ۾ مٺو کهڙي ڳوٺ جا رهواسي 24 ورهين جو گلزار مارجي ويو ۽ سندس سئوٽ 26 ورهين جو عرفان پٽ خدابخش کهڙو زخمي ٿي پيو. واقعي جي اطلاع تي نوجوانن جا وارث ۽ پوليس پهچي ويا، زخمي عرفان کهڙو ٻڌايو ته جهنگ مان ڪاٺيون ڪري واپس اچي رهيا هئاسين ته گهاٽي جهنگ ۾ لڪيل ڀٽا برادري جي هٿياربندن فائرنگ ڪري ڏني. ٻئي طرف ڊي ايس پي نئون ديرو نثار بروهي ٻڌايو ته واقعي جو ڪارڻ ڀٽا – کهڙا تڪرار آهي، وڌيڪ جاچ ڪري رهيا آهيون جيڪو به ملوث هوندو انهن خلاف ڪارروائي ڪئي ويندي.
