ڪراچي ( رپورٽر ) سائيٽ سپر هاءِ وي واري علائقي ۾ تعمير هيٺ ڪيميڪل فيڪٽري ۾ بوائلر ڦاٽڻ سبب 3 ڄڻا زخمي ٿي پيا، ڪراچي جي علائقي نيو سبزي منڊي ويجهو گئس پائيپ لائين ڌماڪي جي نتيجي ۾ 2 ڄڻا زخمي ٿي پيا. انڊس هاءِ وي تي فيڪٽري ۾ بوائلر ڦاٽڻ سبب 3 ڄڻا زخمي ٿي پيا.ايس ايس پي ايسٽ جو چوڻ آهي ته شروعاتي اطلاعن موجب ڌماڪو گيس لڪيج سبب پيش آيو، جنهن سبب ڀاڄ پئجي وئي، پر ڌماڪي ۾ ڪو به جاني نقصان نه ٿيو، ڌماڪو امڪاني طور گيس ڀرجڻ سبب ٿيو.وڊيو ۾ ڏسي سگهجي ٿو ته سبزي منڊي ۾ خانگي بئنڪ جي هيٺان گذرندڙ نالي ۾ ڌماڪو ٿيو، ڌماڪو ٿيڻ سان ئي نالي جو فرش ٽٽي ويو، موٽرسائيڪل اڏامي ڪري گاڏي جي ڇت تي وڃي ڪري، ڌماڪي ۾ بئنڪ ٻاهران مقرر سڪيورٽي گارڊ ذري تان بچي ويو.ٻئي طرف سائيٽ سپر هاءِ وي واري علائقي ۾ تعمير هيٺ ڪيميڪل فيڪٽري ۾ بوائلر ڦاٽڻ سبب 3 ڄڻا زخمي ٿي پيا. ريسڪيو اختيارين زخمين کي طبي امداد لاءِ اسپتال منتقل ڪيو.
