ڪراچي (رپورٽر) ڪراچي ۾ گذريل 24 ڪلاڪن دوران هيٽ اسٽروڪ سبب وڌيڪ 9 ڄڻا فوت ٿي ويا آهن. سنڌ جي صحت کاتي موجب جناح اسپتال ۾ 3، عباسي شهيد اسپتال ۾ 5 ۽ سول اسپتال ۾ هڪ مريض فوت ٿيڻ جي رپورٽ سامهون اچي وئي آهي. شهر ۾ پهرين جون کان هينئر تائين هيٽ اسٽروڪ سبب فوتين جو انگ وڌي 27 ٿي ويو آهي. ڪراچي ۾ سخت گرمي سان گڏوگڏ بجلي جي اعلانيل ۽ اڻ اعلانيل لوڊشيڊنگ عوام جو جيئڻ جنجال بڻائي ڇڏيو آهي. جنهن جي ڪري مختلف شهرن ۾ احتجاجي مظاهرا پڻ شروع ٿي ويا آهن.
