اسلام آباد(م ڊ)اسلام آباد هاءِ ڪورٽ اليڪشن ڪميشن جي قائم ڪيل اليڪشن ٽربيونل کي ايندڙ ٻڌڻي تائين ڪارروائي کان روڪي ڇڏيو. عدالت ايندڙ ٻڌڻي تي اٽارني جنرل کي عدالت جي مدد لاءِ طلب ڪري ورتو.اسلام آباد هاءِ ڪورٽ جي چيف جسٽس عامر فاروق اليڪشن ايڪٽ ترميمي آرڊيننس بابت درخواست تي ٻڌڻي ڪندي چيو آهي ته اليڪشن ڪميشن جسٽس طارق محمود جهانگيري کي اليڪشن ٽربيونل جو جج مقرر ڪيو. هن چيو ته جج بابت توهين آميز ٻولي استعمال ڪئي وئي، پنهنجي فائدي لاءِ جج تي اقربا پروري جا الزام لڳايا پيا وڃن.
