ڀارت: 71 ورهين جو پيرسن هاٿي جي حملي ۾ حياتي وڃائي ويٺو

ڀارت ۾ لوڪ سڀا جي چونڊن جي ڇهين مرحلي ۾ ووٽ ڪاسٽ ڪرڻ لاءِ پولنگ اسٽيشن ويندڙ 71 ورهين جي پيرسن کي هاٿي چيڀاٽي ماري ڇڏيو.
ڀارت جي عام چونڊن جي ڇهين مرحلي ۾ ڇنڇر جي ڏينهن ڇهن رياستن ۽ وفاق جي انتطام هيٺ ٻن علائقن ۾ مجموعي طور تي 58 سيٽن لاءِ پولنگ ٿي.
پرڏيهي ميڊيا موجب، جهارکنڊ جي اولهندي ضلع سنگهڀم جي ڳوٺ ۾ 71 ورهين جي پيرسن تي هاٿي ان وقت حملو ڪيو جڏهن هو ڳوٺ کان پري پولنگ اسٽيشن ۾ ووٽ ڪاسٽ ڪرڻ لاءِ جهنگ مان گذري رهيو هو.
رپورٽ موجب، هاٿي پيرسن شخص تي حملو ڪيو ۽ کيس چيڀاٽي ماري ڇڏيو.
پرڏيهي ميڊيا مڪوجب، جيئن ڳوٺ وارن هاٿي جي حملي جي خبر ٻڌي ته انهن ٻيلي کاتي کي واقعي بابت آگاهه ڪيو.
اختيارين ۽ پوليس اهلڪار واقعي واري هنڌ پهتي ۽ پيرسن همراهه جو لاش اسپتال منتقل ڪيو.
ٻيلي کاتي طرفان پيرسن جي پونيئرن کي پنجويهه هزار رپين جو چيڪ ڏنو ويو ته جيئن هو آخري رسمون ادا ڪري سگهن.

You might also like
Leave A Reply

Your email address will not be published.