ڪراچي (محسن ٻٻر) سانگهڙ جي شهر جهول ۾ استاد هٿان نينگري سان ڏاڍائي جي تصديق ڪئي وئي آهي. واقعي جي جاچ لاءِ 4 رڪني ڪميٽي جوڙي وئي آهي. سانگهڙ جي ايس ايس پي اعجاز شيخ جو چوڻ آهي ته ته اها ڪميٽي ان ڪيس جي تفصيلي جاچ لاءِ ٺاهي وئي آهي. هن ٻڌايو ته ڏاڍائي جو واقعو ٿيو آهي پر اهو ٻه مهينا پراڻو آهي، ان جي تصديق لاءِ ڊي اين اي رپورٽ ڪجهه ڏينهن ۾ اچي ويندي. ان مان خبر پوندي ته نياڻي سان زيادتي ڪنهن ڪئي آهي. ڇوڪريءَ جيڪو نالو کنيو آهي يا ٻيو ڪو آهي.
