حيدرآباد (پ ر) عوامي تحريڪ جي مرڪزي صدر لال جروار، مرڪزي جنرل سيڪريٽري نور احمد ڪاتيار، مرڪزي اڳواڻ عبدالقادر رانٽو ۽ نور نبي پليجو پنهنجي گڏيل پريس بيان ۾ چيو آهي ته آڊيٽر جنرل آف پاڪستان جي رپورٽ ٻاهرين ملڪن مان ڪڻڪ خريداري ۾ سرڪار طرفان ڪيل گهوٻين کي ظاهر ڪري ٿي، رپورٽ موجب ٻاهرين ملڪن مان مهانگي اگهه تي ڪڻڪ خريد ڪرڻ سبب قومي خزاني کي 9 ارب روپين جي لڳ ڀڳ نقصان پهتو آهي. انٽرنيشنل مارڪيٽ مان سرڪار گذريل پنج سالن کان وٺي مهانگي اگهه تي ڪڻڪ خريد ڪري رهي آهي، جڏهن ته ملڪ ۾ ٿيندڙ ڪڻڪ افغانستان ۽ ٻين ملڪن ڏانهن اسمگل ڪئي پئي وڃي. سرڪار هارين ۽ آبادگارن کي بارداڻي کان محروم رکي اسمگلرن جي سهولتڪاري رهي آهي.