اسلام آباد(م ڊ) اڳوڻي وزيراعظم عمران خان جي گهرواري بشرا بي بي جي ترجمان مشعال يوسفزئي دعويٰ ڪئي آهي ته توشا خانا ڪيس ۾ جنهن هار وڪڻڻ جي سزا ملي آهي اهو هار اڄ به اسان وٽ آهي ۽ ان جي اصل قيمت هڪ ڪروڙ رپيا آهي. ميڊيا سان ڳالهه ٻولهه ڪندي مشال يوسفزئي چيو ته توشه خانو ڪيس هڪ هار تي هلي رهيو آهي ۽ چيو پيو وڃي ته هار جي قيمت 300 ڪروڙ آهي، هنن غريبن کي خبر ناهي ته هار اڄ به اسان وٽ آهي. هن چيو ته اسان اهو هار عدالت ۾ پيش ڪرڻ چاهيون ٿا، جڏهن اهو هار تحفي ۾ ڏنو ويو ته ملٽري سيڪريٽري بني گالا وٺي آيو. اهو هار عدالت پيش ڪرڻ چاهيون ٿا.