ڪراچي (رپورٽر ) برسات کانپوءِ ڪراچي جي ڪمشنر آصف حيدر شاهه طرفان رين ايمرجنسي تي عمل ڪندي سنڌ بلڊنگ ڪنٽرول اٿارٽي خطرناڪ عمارتن بابت عوام ۾ سجاڳي لاءِ مهم شروع ڪري ڇڏي، سنڌ بلڊنگ ڪنٽرول اٿارٽي جي سمورن ڊائريڪٽرن جو اجلاس ٿيو ۽ ڊيموليشن سيڪشن جي سهڪار سان صورتحال تي غور ويچار ڪيو ويو. برسات جي صورتحال کي منهن ڏيڻ ۽ عوام ۾ سجاڳي پيدا ڪرڻ لاءِ صبر سوير عملي کي پينا فليڪس ۽ سائن بورڊن سان گڏ روانو ڪيو ويو، سنڌ بلڊنگ ڪنٽرول اٿارٽي جي ٽيمن طرفان عوام کي خطرناڪ عمارتن کان پري رهڻ جي هدايت ڪئي وئي آهي.
