لاهور ( ويب ڊيسڪ ) پاڪستان ڪرڪيٽ بورڊ جي سليڪشن ڪميٽي نيوزيلينڊ خلاف ٽي ٽوئنٽي سيريز لاءِ 17 رڪني قومي ٽيم جو اعلان ڪري ڇڏيو آهي.
لاهور ۾ پريس ڪانفرنس وهاب رياض، عبدالرزاق ۽ ٻين ٻڌايو ته نيوزيلينڊ خلاف پنج ٽي ٽوئنٽي ميچن جي سيريز لاءِ ڪپتان بابراعظم هوندو جڏهن ته ٻين رانديگرن ۾ صائم ايوب، محمد رضوان، شاداب خان ۽ افتخار احمد ٽيم ۾ شامل آهن.
ان کانسواءِ اعظم خان، عثمان خان، نسيم شاهه، عماد وسيم ۽ فخر زمان به قومي ٽيم جو حصو هوندا.
جڏهن ته شاهين شاهه آفريدي، ابرار احمد، عباس آفريدي، محمد عامر ۽ محمد عرفان کي به قومي ٽيم ۾ شامل ڪيو ويو آهي.
محمد عامر ۽ عماد وسيم جي واپسي ٿي آهي جڏهن ته حارث رئوف انجري سبب ٽيم ۾ شامل نه هوندو ۽ محمد نواز کي ڊراپ ڪيو ويو آهي.
وهاب رياض جو چوڻ آهي ته ٽيم ۾ پنجن ريزرو رانديگرن کي به رکيو ويو آهي، جڏهن ته حارث رئوف هن سيريز لاءِ موجود نه هوندو.
محمد يوسف جو چوڻ هو ته اسان سڀ هڪ پيج تي آهيون، چاهيون ٿا پاڪستان سٺو کيڏي.
