ڪراچي : سنڌ جي نئين چونڊيل وڏي وزير سيد مراد علي شاهه کي اڄ سندس عهدي جو حلف کڻايو ويندو، گورنر هائوس ۾ شام 6 وڳي حلف برداري واري تقريب ٿيندي، پهرين مرحلي ۾ 10 کان وڌيڪ وزير کڻڻ جو فيصلو، 2 صلاحڪار به ڪابينا ۾ شامل ڪيا ويندا، سنڌ جو نئون چونڊيل وڏو وزير سيد مراد علي شاهه اڄ شام پنهنجي عهدي جو حلف کڻندو، گورنر هائوس ۾ شام 6 وڳي تقريب رٿي وئي آهي، ان سلسلي ۾ تقريب لاءِ تياريون مڪمل ڪيون ويون آهن، جنهن ۾ شرڪت لاءِ مخلتف مهمانن کي دعوتون پڻ ڏنيو ويون آهي. ٻئي طرف وڏي وزير سيد مراد علي پنهنجي ڪابينا ۾ پهرين مرحلي ۾ 10 کان وڌيڪ وزير ۽ 2 صلاحڪار شامل ڪرڻ جو فيصلو ڪيو آهي، ذريعن وڏي وزير سيد مراد علي پنهنجي ڪابينا ۾ پهرين مرحلي ۾ ميمبرن کي شامل ڪرڻ لاءِ پارٽي قيادت سان صلاح مشورا ڪري ورتا آهن، ذريعن موجب پهرين مرحلي ۾ اڳوڻي صوبائي وزير عذرا پيچوهو، محمد بخش مهر، سيد ناصر شاهه، شرجيل انعام ميمڻ، سعيد غني، مڪيش ڪمار چاولا، آغا سراج دراني، سيد سردار شاهه، ضياءَ الحسن لنجار فخرالزمان۽ امتياز شيخ کي شامل ڪيو ويندو، جڏهن ته 2 صوبائي صلاحڪار به شامل ڪيا ويندا، ذريعن موجب پهرين مرحلي واري ڪابينا ۾ 2 عورتون ۽ 2 اقليتي ميمبر شامل هوندا، جڏهن ته وزيرن کي کاتا الاٽ ڪرڻ جي حوالي سان اڃا تائين صلاح مشورا جاري آهن، جنهن بابت اڄ حتمي فيصلو ٿيڻ جو امڪان آهي.
