اسلام آباد (م ڊ) اليڪشن ڪميشن آف پاڪستان (اي سي پي) ريٽرننگ آفيسر کي قومي اسيمبلي جي تڪ اين اي 64 گجرات 3 جو حتمي نتيجو جاري ڪرڻ کان روڪي ڇڏيو. اليڪشن ڪميشن هن تڪ تان آزاد اميدوار قيصره الاهي جي درخواست تي لکت ۾ حڪم جاري ڪيو. اليڪشن ڪميشن مسلم ليگ (ق) جي اڳواڻ چوڌري سالڪ حسين کي 15 فيبروري تي طلب ڪري ورتو. اليڪشن ڪميشن اين اي 64 گجرات جي رٽرننگ آفيسر کان 3 ڏينهن ۾ جواب طلب ڪري ورتو آهي. اليڪشن ڪميشن آر او کي قيصره الاهي يا سندس وڪيل جي موجودگي ۾ فارم 47 تيار ڪرڻ جي هدايت ڪئي. اليڪشن ڪميشن جي حڪم ۾ چيو ويو آهي ته ڊي پي او گجرات ان ڳالهه کي يقيني بڻائي ته فارم 47 ۾ ڪا به رڪاوٽ پيدا نه ٿئي. اليڪشن ڪميشن چيو ته رٽرننگ آفيسر قيصره الاهي جا خدشا ٻڌي انهن کي حل ڪري.
