ڪراچي( رپورٽر) ڪراچي جي قومي تڪ اين اي 238 ملير تان هارايل پي ٽي آءِ جي حمايت يافته اميدوار حليم عادل شيخ چونڊ نتيجن کي سنڌ هاءِ ڪورٽ ۾ چئلينج ڪري ڇڏيو. حليم عادل شيخ متحده اميدوار صادق افتخار جي ڪاميابي کي ڪالعدم قرار ڏيڻ جي استدعا ڪئي آهي. حليم عادل شيخ درخواست ۾ چيو آهي ته فارم 45 موجب 71 هزار کان وڌيڪ ووٽ کنيا آهن. فارم 47 ۾ نتيجن جي ڦيرڦار ڪندي ايم ڪيو ايم جي اميدوار 54 هزار ووٽن سان ڪامياب قرار ڏنو ويو آهي، متحده اميدوار جي ڪاميابي جو نوٽيفڪيشن روڪيو وڃي .
