اسلام آباد (م ڊ) فافن عام چونڊن لاءِ جنرل سيٽن تي عورت اميدوارن بابت رپورٽ جاري ڪري ڇڏي آهي. عام چونڊن ۾ عورت اميدوار به اڳيان وڌي حصو وٺي رهيون آهن. فري اينڊ فيئر اليڪشن نيٽ ورڪ جي رپورٽ طرفان جنرل سيٽن تي عام چونڊن ۾ حصو وٺندڙ عورت اميدوارن بابت جائزه رپورٽ جاري ڪئي وئي آهي. فافن جي رپورٽ موجب 8 فيبروري تي ٿيندڙ عام چونڊن ۾ 6 ڪروڙ جي لڳ ڀڳ عورتون ووٽ ڏئي سگهنديون. انهن جا اهي ووٽ حاصل ڪرڻ لاءِ 111 سياسي پارٽين جون 275 عورت اميدوار عام چونڊن ۾ حصو وٺي رهيون آهن. فافن جي رپورٽ ۾ ٻڌايو ويو آهي ته عورت اميدوار قومي ۽ صوبائي اسيمبلين جي جنرل سيٽن تي نامزد 6037 اميدوارن جو 4.6 سيڪڙو آهن. فافن جو اهو تجزيو قومي ۽ صوبائي اسيمبلين لاءِ چونڊ اميدوارن جي فارم 33 جي بنياد تي جاري ڪيو ويو آهي.
