ماهرن ايمازون جي ٻيلن ۾ صدين کان گم ٿيل شهر دريافت ڪيو آهي.
اسٽيفن روسٽين نالي قديم آثارن جي ماهر ڏکڻ آمريڪي ملڪ ايڪواڊور ۾ 2 ڏهاڪا اڳ زمين ۾ دٻيل روڊن ۽ مٽيءَ جي دڙن کي دريافت ڪيو هو، پر ان وقت کين ان دريافت تي يقين نه هو.
هاڻي جنرل سائنس (آن لائين رسالي) ۾ ڇپيل تحقيق ۾ اسٽيفن روسٽين ۽ ٻينا ماهرن ليزر سينسر ٽيڪنالاجي جي مدد سان ان خطي جو نقشو تيار ڪيو.
ان نقشي مان خبر پئي ته اتي ڪنهن زماني ۾ پرهجوم وسنديون ۽ رستا موجود هئا جيڪي انڊيز جبل تان وينديون آهن.
اسٽيفن روسٽين موجب اها شهرن جي هڪ گم ٿيل وادي آهي ۽ اها دريافت حيران ڪندڙ آهي.
ان خطي تي 500 قبل مسيح ۾ Upano قبيلي قبضو ڪيو هو ۽ اُتي 300 کان 600 صدي عيسوي تائين موجود رهيا.
تحقيق دوران ان خطي ۾ رهائشي ۽ مذهبي عمارتن کي مٽي جي دڙي مان ٻاهر ڪڍيو ويو.
انهن عمارتن جي چوڌاري ٻنين ۽ ڍنڍن جو نظام به موجود هو جڏهن ته اتان ڊگھا ترين روڊ 33 فوٽ ويڪرا ۽ 6 کان 12 ميل ڊگھار هئا.
هونئن ته ان خطي جي آبادي جو ڪاٿو لڳائڻ ڏکيو آهي پر ماهرن جي خيال ۾ اتي گھٽ ۾ گھٽ 10 هزار ماڻهو رهندا هئا.
ماهرن موجب تحقيق مان ثابت ٿئي ٿو ته اهي گھڻا پرهجوم شهر هئا ۽ اتان جا معاشرا ڪافي پيچيدهه هئا.
هن وڌيڪ ٻڌايو ته ايمازون ۾ رهندڙ ماڻهن وٽ عمارتون اڏڻ لاءِ پٿر نه هئا ته اهي مٽي مان عمارتون اڏيندا هئا.
عرصي کان خيال ڪيو پئي ويو ته ايمازون ٻيلي ۾ تمام گھٽ ماڻهو ترسيا آهن پر هاڻوڪين تحقيقي رپورٽن مان ثابت ٿيو آهي ته ان خطي جو ماضي اندازون کان وڌيڪ پيچيدهه آهي.
ان تحقيق جا نتيجا جرنل سائنس ۾ ڇپيل آهن.
