اسلام آباد ( ويب ڊيسڪ ) اليڪشن ڪميشن، پي ٽي آءِ جو بيٽ وارو چونڊ نشان بحال ڪرڻ وارو پشاور هاءِ ڪورٽ جو فيصلو سپريم ڪورٽ ۾ چئيلنج ڪري ڇڏيو.
سپريم ڪورٽ، اليڪشن ڪميشن جي اپيل کي ڊائري نمبر 657 الاٽ ڪري ڇڏيو.
اليڪشن ڪميشن جي درخواست ۾ موقف اختيار ڪيو ويو آهي ته پشاور هاءِ ڪورٽ جو فيصلو آئين ۽ قانون جي خلاف آهي.
واضح رهي ته گذريل ڏينهن پشاور هاءِ ڪورٽ پي ٽي آءِ انٽرا پارٽي اليڪشن ۽ چونڊ نشان ڪيس ۾ ٻنهي ڌرين جا دليل ٻڌڻ کانپوءِ اليڪشن ڪميشن جو فيصلو ڪالعدم قرار ڏنو هو جنهن کانپوءِ پي ٽي آءِ کي بيٽ وارو چونڊ نشان واپس ملي ويو.