ممبئي (ويب ڊيسڪ) مشهور ڀارتي ٽي وي شو ”ڪون بنيگا ڪروڙ پتي“ جي 15 هين سيزن جي آخري قسط ڪندي ميزبان اميتاڀ بچن لڙڪ لاڙي ويٺو.
بالي ووڊ ۾ بگ بي جي نالي سان مشهور اميتاڀ بچڻ ڪيترن ئي سالن کان ”ڪون بنيگا ڪروڙ پتي“ ڪري رهيو آهي ۽ هن سال شو جي 15 هين سيزن هئي.
شو ۾ مختلف ڀارتي رياستن سان واسطو رکندڙ ذهين ماڻهو پنهنجي قسمت آزمائش ايندا آهن ۽ سوالن جو درست جواب ڏئي پئسا ڪمائيندا آهن.
ان کانسواءِ فلمي انڊسٽري سان واسطو رکندڙ ماڻهو به پنهنجين فلمن جي پروموشن لاءِ ان پروگرام ۾ ايندا آهن ۽ راند به کيڏندا آهن.
پروگرام جي انتظاميا پاران آخري قسط جو پرومو شيئر ڪيو ويو جنهن ۾ اميتاڀ بچن کي روئيندي ڏسي سگھجي ٿو.
اداڪار جو پرومو ۾ چوڻ وه ته ديويو اور سجنو، هاڻي اسان وڃي رهيا آهيون ۽ سڀاڻي کان هيءَ اسٽيج نه سينگاربي.
هن چيو ته پنهنجن کي اهو چوڻ ته سڀاڻي کان اسان نه اينداسين، اهو چوڻ جي همت به ناهي ٿيندي ۽ دل به نه چوندي آهي، آئون هن اسٽيج تي آخري ڀيرو سڀ کي خدا حافظ چوان ٿو.
ڀارتي ميڊيا موجب سيزن جي آخري قسط ۾ اداڪارا شرميلا ٽيگور، وديا بالن ۽ سارا علي خان جهڙين اهم شخصيتن شرڪت ڪئي.
