تبت (ويب ڊيسڪ) هونئن ته اوهان عام طور تي سائي ۽ ڳاڙهي رنگ جا صوف ڏٺا هوندا پر دنيا ۾ هڪ خطو اهڙو به آهي جتي ڪاري رنگ جا صوف ڦٽندا آهن.
هونئن ته ان صوف جو رنگ واڱڻائي آهي پر اهو ڏسڻ ۾ ڪارو لڳندو آهي جنهن جي ڪري ان کي انگريزي ۾ (black diamond apple) چيو ويندو آهي ۽ اهو رڳو تبت ۾ ڦٽندو آهي. اهو پنهن ڪشش ۽ نايابيت جي ڪري ٻين صوفن کان نمايان آهي ۽ ماڻهن ۾ تجسس پيدا ڪندو آهي.
بليڪ ڊائمنڊ ايپل جو اهو خاص رنگ حقيقت ۾ انوکي جاگرافيائي هنڌ سان منسوب آهي جيڪو چين جي خود مختيار خطي تبت ۾ جبلن جي وچ ۾ موجود ننڍي شر نينگچي ۾ آهي. گھڻي اونچائي صوفن تي ڏينهن جي وقت شديد الٽرا وائليٽ روشني پوندي آهي ۽ اتي گرمي پد ۾ نمايان لاها چاڙها ٿيندا رهندا آهن.
اهڙين موسمي حالتون صوف جي مخصوص ڪاري رنگ کي تيار ڪرڻ ۾ مددگار هونديون آهن. وڌيڪ اهو ته جيتوڻيڪ ان صوف جو اندروني حصو عام صوفن جيان ئي هوندو آهي پر ان جو ذائقو سڀني صوفن کان مٺو هوندو آهي.
