ڪراچي ( رپورٽر ) پاڪستان پيپلز پارٽي جي اڳواڻ قادر پٽيل چيو آهي ته چونڊن ۾ مقابلو سخت ٿيندو. پ پ اڳواڻ قادر پٽيل نامزدگي ڪاغذن جي ڇنڊڇاڻ لاءِ ڪراچي ۾ رٽرننگ آفيسر جي آفيس پهتو. هو ڪراچي جي قومي اسيمبلي جي تڪ اين اي 243 تان پيپلز پارٽي جو اميدوار آهي. ميڊيا سان ڳالهائيندي قادر پٽيل چيو ته منهنجا نامزدگي ڪاغذ منظور ڪيا ويا آهن. هن چيو ته اسان ڪنهن جي دعويٰ کي روڪي نٿا سگهون، مقابلو سخت ٿيندو. هن چيو ته اختر جدون کي پيپلزپارٽي عزت ڏني. اسان جو مقابلو انهن سان نه آهي. شهباز شريف اڳ به چونڊ وڙهي چڪو آهي.
