ڪراچي ( رپورٽر ) نارٿ ناظم آباد نصرت ڀٽو ڪالوني ۾ غوثيه مسجد ڀرسان شادي جي تقريب دوران هوائي فائرنگ جي نتيجي ۾ 50 ورهين جو سعد حسين مارجي ويو. ايس ايڇ او شاهراهه نورجهان قمر ڪياني موجب شادي جي تقريب ۾ شريڪ ماڻهن خوشي ۾ هوائي فائرنگ ڪئي، فائرنگ جي نتيجي ۾ پاڙيسري سعد حسين مارجي ويو. پوليس واقعي واري هنڌ پهچي فائرنگ ڪندڙ عارف کي گرفتار ڪري ورتو، مقتول سعد جو لاش قانوني ڪارروائي لاءِ اسپتال منتقل ڪيو ويو.
