اسلام آباد(عوامي آُواز نيوز)سينئر صحافي نصرت جاويد چيو آهي ته نيپرا رپورٽ ۾ ڪي اليڪٽرڪ سميت ڊسڪوز تي بجلي واهپيدارن جي کيسي تي اربين رپين جي ڌاڙي جو الزام لڳو هو، هڪ ڪروڙ چاليهه لک صارفن تي بار پيو هو، ان تي وفاقي سرڪار اعليٰ سطحي جاچ ڪميٽي به جوڙي هئي، هن چيو ته 6 ڏينهن ۾ ئي اعليٰ سطحي ڪميٽي رپورٽ پيش ڪري ڇڏي آهي جنهن ۾ چيو ويو ته غلطيون ٿيون آهن پر انهن ۾ ڪجهه غلطيون قدرتي طور تي ٿي ويون، باقي ڪجهه انسانن کان به غلطيون ٿيون آهن،ان ڌاڙي سان صارفن تي ڪجهه بار پيو آهي پر ايترو به نه پيو آهي، ان کي وڌائي چڙهائي پيش ڪيو ويو آهي،
