2023ع ختم ٿيڻ ۾ رڳو هڪ مهينو رهجي ويو آهي ۽ ڊسمبر يعني سال جو آخري مهينو شروع ٿي چڪو آهي، ان حوالي سان اڄ اسان اوهان کي هن مهيني ۾ ڄاول ماڻهن جي شخصيت بابت ڪجهه راز ٻڌائينداسين.
هن مهيني جي شروع ۾ ڄاولن جو ستارو ”برج قوس” جڏهن ته آخري ڏينهن ۾ ڄاولن ماڻهن جو واسطو ”برج جدي“ سان آهي.
اچو ته ڄاڻون ٿا ته اهي ڪهڙا رخ آهن جيڪي انهن ماڻهن جي شخصيت ۾ نکار پيدا ڪندا آهن ۽ ٻين کان مختلف بڻائيندا آهن.
هوشيار هوندا آهن:
ڊسمبر ۾ ڄاول ماڻهو گھڻا هوشيار هوندا آهن پوءِ ڀلي اهي پڙهائي هجي يا ڪنهن ٻئي قسم جي سرگرمي، اهڙن ماڻهن کي پنهنجين صلاحيتن سان ٻين کي متاثر ڪرڻ جو هنر ايندو سٺي طرح ايندو آهي.
مسئلن جو حل به اهي ماڻهو سٺي طرح ڪڍي وٺندا آهن.
هاڪاري سوچ رکندڙ هوندا آهن:
اهي سدائين هاڪاري سوچ رکندا آهن، اهو ئي سبب آهي جو کين ڪاميابي ملندي آهي ۽ ڪيريئر سان گڏ ذاتي زندگي جي حوالي سان گھڻو فڪرمند رهندا آهن، کين هر قسم جي صورتحال ۾ پاڻ کي ايڊجسٽ ڪرڻ ايندو آهي.
پنهنجا خيال/نظريه ٻين سان شيئر ڪرڻ سٺو سمجهندا آهن:
ڊسمبر ۾ ڄاول ماڻهو فطرت جي لحاظ سان ڪافي سوچ سمجهه رکندا آهن، هو ٻين جي راءِ جو پابندي هجڻ کي ناپسند ڪندا آهن، اهي پنهنجي سوچ ۽ خيالن کي ترجيح ڏيندا آهن، جڏهن کين هنن موجب ڪم ڪرڻ جي اجازت ڏني ويندي آهي ته اهي پنهنجي 100 سيڪڙو ڪارڪردگي ڏيکاريندا آهن.
اهڙن ماڻهن تي جيڪڏهن ڪو حڪمراني ڪرڻ جي ڪوشش ڪندو آهي ته اهي چڙچڙا ٿي ويندا آهن.
هر ڪنهن سان جلدي فري ٿي ويندا آهن:
اهي ماڻهو سولائي سان دوست ٺاهي وٺندا آهن اهو ئي سبب آهي جو کين خوش اخلاق سمجهيو ويندو آهي، اهڙا ماڻهو هر ڪنهن سان ڳالهائڻ ۾ اڳرا رهندا آهن.
