ڪراچي ( رپورٽر ) ڪراچي ۾ پاڪستان ڪسٽم وڏي ڪارروائي ڪندي انڊر انوائسنگ ذريعي 27 ڪروڙ 50 لکن جي ٽيڪس چوري کي پڪڙي ورتو، دستاويزن ۾ چيو ويو آهي ته انڊونيشيا مان کاڄرو تيل جي درآمد ۾ انڊر انوائسنگ ڪئي وئي، جنهن ڪري ٽيڪس بچائي وئي . دستاويز ۾ چيو ويو آهي ته پاڪستان ڪسٽم فوڊ لنڪس انٽرنيشنل ڪراچي خلاف ڳجهي اطلاع تي ڪارروائي ڪئي. ڪسٽم اختيارين جو چوڻ هو ته خانگي ڪمپني هٿرادو کاڄري تيل جو حوالو هنڊي ۾ سهارو ورتو هو پر جوابدار خلاف ڪيس داخل ڪيو ويو آهي.
