سکر(رپورٽر) صحافي جان محمد مهر جي قاتلن جي گرفتاري بابت ايس ايس پي سکر عرفان سمون دعويٰ ڪئي آهي ته سکر پوليس پاران شاهه ٻيلي ۾ ڪارروائي ڪندي پوليس فائرنگ ۾ مک جوابدار شيرل عرف شيرو مهر جو پٽ گلزار عرف گلڻ مهر سميت ٻه ڄڻا زخمي ٿي پيا ۽ چار سهولتڪار گرفتار ڪرڻ جي دعويٰ ڪئي وئي آهي، جڏهن ته ٻين جي گرفتاري لاءِ پڻ ڪاروائي جاري آهي، ايس ايس پي عرفان سمون موجب قتل ڪيس ۾ ڄاڻايل جوابدار گلمهر سميت ٻن ڄڻن کي مقابلي ۾ زخمي ڪيو ويو، پوليس جي فائرنگ ۾ جوابدار گلزار عرف گلڻ مهر سميت ٻه ڄڻا زخمي ٿيڻ جي تصديق ٿي آهي، عرفان سمون موجب جوابدارن جي گرفتاري لاءِ ڪچي واري علائقي کي پوليس گهيري ورتو آهي.
