ممبئي (ويب ديسڪ) بالي ووڊ اداڪارا ديا مرزا هڪ جذباتي پيغام ۾ اسرائيل کان مطالبو ڪيو آهي ته هو غزا ۾ ٻارن جو قتل عام بند ڪري ۽ ان قتل عام کي ڪنهن به طور تي درست قرار نٿو ڏئي سگھجي.
انسٽاگرام تي پنهنجي پيغام ۾ اداڪارا لکيو ته انسانيت لاءِ فوري طور تي جنگ بندي ڪرڻ گھرجي، ٻارن جو موت انصاف جو قتل عام آهي.
هن لکيو ته اسان جا ٻار قيمتي آهن، ٻارن بابت سوچڻ گھرجي جيڪي ڏوهه کانسواءِ خطرناڪ جنگين جو شڪار ٿي ويا ۽ اهي بي وس آهن.
ديا مرزا چيو ته ماءُ ۽ انسان طور سمجهان ٿي ته ان خطرناڪ جنگ کي روڪڻ گھرجي ۽ انسانيت کي بچائڻ لاءِ جنگ بندي ٿيڻ گھرجي.
