سياري جي موسم ۾ اچي چُڪي آهي خشڪ ميون جو استعمال وڌندو پيو وڃي، مهانگائي ۽ غربت پنهنجي جاءِ تي پر ڪيترائي ماڻهو قدرت جا نوازيل آهن جيڪي انهن ميون جو استعمال ضرور ڪن ٿا جن لاءِ اڄ اسان هڪ بهترين ميوي جي چونڊ آندي آهي.
ڪشمش جو شمار به خشڪ ميون ۾ ٿيندو آهي، ڪشمش جا مختلف قسم ٿين ٿا جن جا فائدا ملندڙ جلندڙ پر ٿورا گهڻا مختلف هوندا آهن، اڄ اسان ڪشمش جي هڪ قسم ڪاري ڪشمش يا ڊاک جي باري ۾ ٻڌائينداسين ته ان جا صحت لاءِ ڪهڙا فائدا هوندا آهن.
ڊاک ۾ اينٽي آڪسيڊنٽس، وٽامنز، پوٽاشيم، آئرن ۽ زيرو ڪوليسٽرول موجود آهن جيڪي سڀ گڏجي ماڻهو جي صحت لاءِ تمام بهترين ثابت ٿين ٿا.
