لاهور(م ڊ) مسلم ليگ (ن) پاڪپتن جي تڪ پي پي 193 تان اڳوڻي خاتون اول ۽ اڳوڻي وزيراعظم عمران خان جي گهرواري بشرا بي بي جي ناٺي ميان حيات مانيڪا جي جاءِ تي فاروق مانيڪا کي ٽڪيٽ ڏيڻ تي غور شروع ڪري ڇڏيو آهي. ذريعن موجب ميان حيات مانيڪا اڳوڻي صوبائي وزير عطا مانيڪا جو پٽ ۽ بشرا بي بي جو پٽ آهي، ميان حيات مانيڪا 2018ع ۾ ن ليگ جي ٽڪيٽ تي اليڪشن ۾ حصو ورتو هو، جڏهن ته فاروق مانيڪا آزاد اميدوار طور اليڪشن ۾ حصو ورتو هو. ان حوالي سان راڻا ثناءُ الله جو چوڻ هو ته ن ليگ جي ٽڪيٽ هولڊر ميان حيات مانيڪا جو ن ليگ سان ڪو به رابطو ناهي، فاروق مانيڪا 2018 جي اليڪشن کٽي پر صبح جو 100 ووٽن تان هارائي ڇڏيو. هن چيو ته فاروق مانيڪا به هن تڪ مان مضبوط اميدوار آهي. ٻئي طرف عطا مانيڪا جو چوڻ آهي ته اليڪشن وڙهڻ لاءِ ٽڪيٽ لاءِ درخواست ڏيڻ جي تاريخ 20 نومبر آهي
نواز شريف جو فضل الرحمان سان رابطو، اهم معاملن تي ڳالهيون
لاهور(م ڊ) ن ليگ قائد نواز شريف جي يو آءِ سربراهه مولانا فضل الرحمان سان ٽيليفونڪ رابطو ڪيو آهي. جي يو آءِ ترجمان موجب ن ليگ قائد نواز شريف مولانا فضل الرحمان کان خيريت دريافت ڪئي، ٻنهي اڳواڻن ۾ موجوده ملڪي سياسي صورتحال تي ڳالهيون ٿيون. نواز شريف ۽ مولانا فضل الرحمان گڏيل اتفاق سان گڏجي مسئلن کي حل ڪرڻ جي عزم جو اظهار ڪيو. ترجمان چيو ته نواز شريف جلد مولانا فضل الرحمان سان ملاقات جي خواهش جو اظهار ڪيو.
