ڪراچي( پ ر) پيپلز پارٽي جي اڳواڻ شرجيل انعام ميمڻ پنهنجي ٽوئيٽ ۾ ڪراچي جي رهواسين کي خوشخبري ڏيندي چيو آهي ته بسن جي هڪ ٻي کيپ جيڪا پيپلز بس سروس (فيز 2) جو حصو آهي، ڪراچي بندرگاهه تي پهچي وئي آهي. هن چيو ته اهي نيون بسون مستقبل قريب ۾ شهر جي روڊن تي اينديون جيڪي عوام کي بهترين سفري سهولتون فراهم ڪنديون. شرجيل انعام ميمڻ چيو ته اهي بسون پيپلز پارٽي جي سنڌ حڪومت چيئرمين بلاول ڀٽو زرداري جي هدايت تي خريد ڪيون ھيون. واضح رهي ته پيپلز پارٽي جي دور ۾ شروع ڪيل پيپلز بس سروس جي ٻئي مرحلي ۾ 30 بسون ڪراچي پهچي ويون آهن.
