ممبئي ( ويب ڊيسڪ ) آءِ سي سي مينز ون ڊي ورلڊ ڪپ ۾ ڀارت جي ٻي ميچ ۾ به ڀارتي اوپنر شُڀمَن گِل جي ميچ نه کيڏڻ جو امڪان آهي.
ڀارتي ميڊيا موجب، افغانستان خلاف ميچ ۾ به ڀارتي اوپنر جي نه کيڏڻ جو امڪان آهي.
ڀارتي ميڊيا جو چوڻ آهي ته شُڀمَن گِل جي صحت ۾ هوريان هوريان بهتري اچي رهي آهي ۽ هو ٽيم سان گڏ چنائي کان دهلي جو سفر ڪندو، افغانستان خلاف ميچ ۾ به کيس وڌيڪ آرام ڏيڻ جو امڪان آهي.
ياد رهي ته ڊينگي بخار سبب شُڀمَن گِل آسٽريليا خلاف پهرين ميچ نه کيڏي سگهيو هو.
ڀارت ۽ افغانستان وچ ۾ ميچ يارنهن آڪٽوبر تي دهلي ۾ شيڊيولڊ آهي.
