ڪراچي (رپورٽر ) ڊائريڪٽوريٽ آف پوسٽ ڪليئرنس آڊٽ ايف بي آر سولر پينل جي امپورٽ جي آڙ ۾ اوور انوائسنگ ۽ مني لانڊرنگ مافيا خلاف هڪ ٻي وڏي ڪارروائي ڪندي 13 ارب رپين جي مني لانڊرنگ جو انڪشاف ڪيو آهي. ذريعن ميڊيا کي ٻڌايو ته ڊائريڪٽوريٽ پوسٽ ڪليئرنس آڊٽ ايف بي آر ڪراچي ڪسٽم ڪليئرنس آڊٽ دوران سولر پينلز جي وڌيڪ 6 جعلي ڪمپنين جي نشاندهي ڪئي آهي ۽ انهن جعلي ڪمپنين پاران سولر پينلز جي آڙ ۾ 13 ارب رپيا ٻاهرين ملڪ منتقل ڪيا ويا آهن. ذريعن جو چوڻ آهي ته انهن 6 جعلي ڪمپنين مان 3 جو تعلق ڪراچي ۽ 3 جو تعلق ڪوئيٽا سان آهي، 6 جعلي ڪمپنين ۾ ميسرز، ايس ايڇ ٽريڊرز، ميسرز، سحر انٽرنيشنل، ميسرز، ڊيلٽا ٽريڊنگ، ميسرز، اسمارٽ امپڪس، ميسرز شامل آهن. احسان الله امپورٽ ايڪسپورٽ ۽ اسدالله انٽرپرائزز، ڪسٽم ڪليئرنس آڊٽ کانپوءِ انڪشاف ڪيو ويو آهي ته مٿين 6 جعلي ڪمپنين امپورٽ ٿيل سولر پينلز جي ڪليئرنس لاءِ ڪل 687 سامان جا ڊيڪليئريشن ڪسٽم کاتي ۾ جمع ڪرايا، جن مان 443 سامان جي ڊيڪليئريشن ۾ امپورٽ ٿيل سولر پينلز جي قيمتن کان وڌيڪ آهن. اوور انوائسنگ جو انڪشاف ٿيو ۽ 3 ارب جي مني لانڊرنگ ڪئي وئي. ذريعن ٻڌايو ته ڄاڻايل 6 فرضي سولر امپورٽ ڪمپنين سامان جي اعلان ۾ 9 ارب رپين جا سولر پينلز جي ماليت 13 ارب رپيا ظاهر ڪئي، جڏهن ته 2 امپورٽرز ميسرز سمارٽ امپڪس، ميسرز اسدالله انٽرپرائزز 4 ارب رپين جا سولر پينل 2.4 ۾ وڪرو ڪيا، ڪسٽم پوسٽ ڪليئرنس آڊٽ ٽيم 6 نوان ڪيس داخل ڪري گرفتاري لاءِ ٽيمون جوڙي ڇڏيون آهن، جڏهن ته جعلي سولر ڪمپني ميسرز جي مالڪ عبدالعزيز کي هڪ ڏينهن جو رمانڊ حاصل ڪيو ويو آهي. شروعاتي جاچ ۾ اهو به سامهون آيو آهي ته ڄاڻايل جعلي ڪمپني جو اصل مالڪ امان الله آهي، جنهن پنهنجي ڪزن عبدالعزيز کي 30 هزار رپيا ماهوار تي جعلي ڪمپني جو جعلي مالڪ ظاهر ڪيو آهي
