اسلام آباد (عوامي آواز نيوز) اڳوڻي آرمي چيف جنرل قمر جاويد باجوه کي ملازمت مدي ۾ واڌ ڏيڻ لاءِ نواز شريف هڪ خط خواجه آصف کي لکيو هو.
نامياري صحافي انصار عباسي پنهنجي وي لاگ ۾ نواز شريف جو لکيل خط پڙهي ٻڌايو جنهن ۾ نواز شريف لکيو ته قومي اسيمبليءَ مان ملازمت مدي ۾ واڌ جو قانون جلد بازي ۾ منظور نه ڪيو وڃي، قانون تي غور فڪر لاءِ ڪجهه وقت لڳايو وڃي، ملڪ جي وسيع تر مفاد ۾ ملازمت مدي ۾ واڌ جي حمايت ڪئي وڃي پر ان لاءِ پارلياماني روايتن کي اختيار ڪيو وڃي.
صحافي موجب اهو تاثر غلط آهي ته (ن) ليگ نواز شريف کي اعتماد ۾وٺڻ بنا جنرل باجوه کي ملازمت مدي ۾ واڌ جي حمايت ڪئي هئي.
نوٽ: هيءَ خبر روزاني عوامي آواز اربع 27 سپٽيمبر 2023ع تي شايع ٿي
