واشنگٽن(م ڊ) آمريڪا ۾ ٽارگٽ ڪلنگ جي واقعي ۾ 3 ماڻهو مارجي ويا. جارجيا رياست جي پوليس ترجمان صحافين  کي ٻڌايو ته اهو واقعو منجهند جو ڏيڍ بجي ايٽلانٽا شهر ويجهو ويسٽ اينڊ علائقي جي هڪ شاپنگ مال ڀرسان پيش آيو. هن ٻڌايو ته شروعاتي جاچ مان معلوم ٿئي ٿو ته هڪ شخص 2 ماڻهن تي فائرنگ ڪئي جن مان هڪ جوابي فائرنگ جنهن جي نتيجي ۾ 3 ماڻهو ٿڏي تي فوت ٿي ويا. مارجي ويلن جا لاش ويجهي اسپتال منتقل ڪيا ويا آهن جڏهن ته پوليس جاچ شروع ڪري ڇڏي آهي

ڪراچي پوليس جا مقابلا، 6 زخمي ڦورن سميت 7 جوابدار گرفتار

ڪراچي (رپورٽر ) ڪراچي پوليس شھر جي مختلف علائقن ۾ ڌار ڌار پوليس مقابلن ۾  6 زخمي ڦورن سميت 7  جوابدارن کي گرفتار ڪري ھٿيار، موٽرسائيڪليون ۽ ٻيو سامان ھٿ ڪري ورتو. بھادر آباد ٿاڻي جي پوليس مطابق بھادر آباد طبا چوڪ الخدمت پارڪ ڀرسان صلاح الدين روڊ تي پوليس جي مقابلي ۾ 2 ڦورو ڪاشف ولد خان محمد ۽ بابر علي ولد عبدالرزاق کي پوليس زخمي حالت ۾ گرفتار ڪري ورتو، ڪريم آباد ۾ اپوا ڪاليج موسي ڪالوني جي علائقي پوليس جي مبينا مقابلي ۾ زخمي  ملزم سھيل ولد محمد مرشد کي ساٿي ذيشان سميت گرفتار ڪري ورتو. فيروز آباد ٿاڻي جي مطابق مڪڊولن شاھراع قائدين تي پوليس ۽ ڦورن جي وچ ۾ پوليس مقابلي ۾ ملزم عذير ولد پير محمد کي پوليس زخمي حالت ۾ گرفتار ڪندي پستول ۽ موٽرسائيڪل ھٿ ڪري ورتي آهي. فيروز آباد ٿاڻي جي پوليس موجب خالد بن وليد روڊ تي مين اسٽاپ جي ڀرسان پوليس مقابلي ۾ 2 ملزم فضل دين ولد غلام محمد ۽ علي ولد مغل کي زخمي حالت ۾ پوليس گرفتار ڪندي ھٿيار ۽ ٻيو سامان ھٿ ڪري ورتو آهي.