لاهور (عوامي آواز نيوز) معاشي بحالي مهم زورن سان جاري آهي. نتيجي ۾ ڊالر جي قدر ۾ لڳاتار لاٿ ۽ رپئي جي قدر ۾ اضافو ٿي رهيو اهي. چورن ۽ ڪرپٽ ماڻهن خلاف سخت ڪارروائي ٿيڻ واري آهي. اٽڪل هڪ هزار اهم شخصيتن جا نالا اي سي ايل ۾ وڌا ويا آهن.نامياري صحافي مبشر لقمان جو چوڻ آهي ته هڪ هزار جي فهرست ۾ اڳوڻن وزيرن، ڪامورن، صنعتڪارن، مني چينجرن ۽ ڪرنسي ڊيلرن جا نالا شامل آهن. اڃا باضابطا ڪارروائي شروع نه ٿي آهي، ان باوجود ڊالر جي چيلهه ڀڄي پئي آهي. ڊالر خريدڻ ۽ وڪڻڻ وارا غائب ٿي ويا آهن. اها سختي جاري رهي ته ڊالر ٽڪي ٽوڪري ٿي ويندو ۽ عوام کي به رليف ملڻ شروع ٿي ويندو.
