لاهور (م ڊ) ن ليگ جي چيف آرگنائيزر مريم نواز عام چونڊن کي ڏسندي پ پ جي ڳڙهه سنڌ ايندي، سندس دوري جو شيڊيول تيار ڪيو ويو آهي. اڳوڻي وزيراعظم نواز شريف جي ڌيءَ مريم نواز دوري دوران امڪاني طور ڪراچي ۽ يدرآباد ويندي، سنڌ جون اهم سياسي شخصيتون ن ليگ ۾ شامل ٿيڻ لاءِ گرين سگنل ڏئي چڪيون آهن. مريم نواز جي سنڌ جي دوري دوران نون صوبائي عهديدارن جي نالن جي اعلان جو به امڪان آهي، دوري کان اڳ سنڌ ۾ ن ليگ ڪارڪنن کي متحرڪ ڪيو پيو وڃي. ذريعن موجب مريم نواز سنڌ جي سياست ۾ سرگرم سياسي جماعتن سان رابطي ۾ آهي .
