اسلام آباد(م ڊ)نگران وزيراعظم انوارالحق ڪاڪڙ چيو آهي ته نگران حڪومت ۽ فوج جو هڪ ئي هدف آهي، حڪومت ڪيترن ئي موقعن تي فوج کان مدد طلب ڪئي، هڪ نجي ٽي وي سان ڳالهائيندي هن چيو ته ڏينهن ۾ ڪيترائي ڀيرا فوج سان رابطو ٿيندو آهي، پاڪ فوج به پاليسين تي عملدرآمد ڪري رهي آهي، ملڪ ۾ 90 سيڪڙو ماڻهو ٽيڪس ۾ حصو ئي نٿا وجهن، ٽيڪس نيٽ وڌائڻ لاءِ فوج جي نه ٽيڪنالاجي جي ضرورت آهي، هن چيو ته مون کي احساس آهي ته بجلي بلن تي ماڻهن کي تڪليف آهي، بجلي چوري جو بار انهن تي پوي ٿو جيڪي ايمانداري سان بل ادا ڪري رهيا آهن،هتي لکين افغاني، ايراني، بنگالين جعلي شناختي ڪارڊ ٺاهرائي ويٺل آهن، هن چيو ته چونڊون 90 ڏينهن ۾ به ٿي سگهن ٿيون، ٿي سگهي ٿو جنوري فيبروري کان پهرين ٿي وڃن، سپريم ڪورٽ فيصلو ڏنو ته هر صورت ۾ 90 ڏينهن ۾ چونڊون ٿينديون، هن چيو ته سڀني کي ليول پليئنگ فيلڊ ملندي، ڪنهن اداري جي مداخلت نه هوندي، سڀني کي جلسن جي اجازت هوندي، ميثاق معيشت هڪ سٺو نعرو آهي، سياسي پارٽين ۾ ميثاق جمهوريت جي حمايت ڪنداسيننگران وزيراعظم چيو ته نيشنل انويسٽمينٽ فيسليٽيشن ڪائونسل (اين آءِ ايف سي) پاران کنيل معاشي قدمن جا نتيجا ڊسمبر جي آخر تائين اچڻ شروع ٿي ويندا.هن چيو ته اسان 9 مئي جي واقعن ۾ ڪنهن به پاڪستاني پارٽيءَ جي خلاف نه پر انهن خلاف آهيون، جيڪي فوجي اڏن تي حملن ۾ ملوث هئا.پاڪ ڀارت لاڳاپن بابت سوال تي نگران وزيراعظم چيو ته ڀارت کي ڳالهين بابت پاڻ سوچڻو پوندو، اهو اسان کان وڏو ملڪ آهي. ان جي ضرورت آهي. هن پنهنجي دور جي هڪ مهيني ۾ سڀ کان وڏي چئلينج بابت سوال تي هن چيو ته ”جيڪڏهن مون کي هڪ لفظ ۾ ٻڌائڻو پوندو ته معيشت، معيشت ۽ معيشت“.اسان هتي ڊگهي عرصي لاءِ نه آهيون ۽ نه ئي اسان جو اهڙو ڪو ارادو آهي.ماڻهو ٽيڪس نيٽ ۾ اچڻ لاءِ تيار نه آهن، ٽيڪس نيٽ وڌائڻ لاءِ ڏکيا فيصلا ڪرڻا پوندا، مشڪل فيصلن سان مستقبل بهتر ٿيندو، ڊجيٽلائيزيشن سان ڪرپشن ۾ گهٽتائي ايندي، ان معاملي ۾ جيتري انساني مداخلت گهٽ هوندي اوتري شفافيت ۽ ڪرپشن ٿيندي. گهٽ ٿيندو، ٽيڪنالاجي جي استعمال سان ٽيڪس نيٽ وڌندواهو تاثر آهي ته فوج ۽ نگران حڪومت الڳ الڳ ڪم ڪري رهي آهي واري سوال جي جواب ۾ هن چيو ته سمجهه ۾ نٿو اچي ته اهڙو تاثر ڇو ٿو ڏنو وڃي انوارالحق ڪاڪڙ اسٽيبلشمينٽ جو ماڻهو آهي؟ ان سوال جي جواب ۾ هن چيو ته مان انهن جو ماڻهو آهيان، هي سياست جو هڪ غير ضروري عنصر آهي، اسان انهن جا ٿيڻ چاهيون ٿا، اسان انهن جا آهيون، پوءِ اسان انهن سان ناراض ٿي وڃون ٿا، اسان ٻيهر انهن جا ٿيڻ چاهيون ٿا، اهو معاملو هلندو رهندو آهي،9 مئي واقعن ۾ ملوث ماڻهن کي دهشتگرد نٿو سمجهان، ڪو به پي ٽي آءِ جي خلاف ناهي،
