حيدرآباد(رپورٽر) سنڌ ھاري ڪميٽي جي مرڪزي صدر ثمر حيدر جتوئي چيو آھي ته گذريل حڪومت جي نقش قدم تي هلندي موجوده نگران حڪومت تيل جي اگھن ۾ اضافو ڪري غريب، مسڪين، ھاري، پورھيت طبقي جو جيئڻ جنجال ڪري ڇڏيو آھي، اسان نگران حڪومت پاران تيل جي قيمتن ۾ ڪيل واڌ کي رد ڪريون ٿا، سنڌ ھاري ڪاميٽي جي مرڪزي صدر ڪامريڊ ثمر حيدر جتوئي پنھنجي جاري ڪيل بيان ۾ وڌيڪ چيو ته نگران حڪومت عوام کي رليف ڏيڻ ۾ مڪمل طور ناڪام ٿي وئي آهي، گذريل حڪومت به عوام مٿان مهانگائي جا جبل ڪيرايا ۽ ھاڻي رھيل ڪسر نگران حڪومت پوري ڪري غريب، مسڪين، پورهيت ۽ ھاري طبقي جو ٻن ويلن جي ماني کائڻ به تمام ڏکيو ٿي ويو آهي، مھانگائي سبب ماڻھو خودڪشيون ڪري رهيا آهن.
