اسلام آباد(عوامي آواز نيوز) ملڪ ۾ نگران حڪومت جي قيام کان پوءِ هڪ طرف ڊالر جي قيمت ۾ تمام گهڻو اضافو ٿيو ته ٻئي طرف اسٽاڪ مارڪيٽ سخت بحران جو شڪار ٿي وئي.نگران حڪومت جي دور ۾ ڊالر جو انٽر بئنڪ ريٽ 17.05 رپيا ٿي ويو آهي.اهڙي طرح اوپن مارڪيٽ ۾ پي ڊي ايم حڪومت جي آخري ڪاروباري ڏينهن تي هڪ ڊالر جي قيمت 297.50 رپيا تي بند ٿي، معاشي ماهر ثنا توفيق بي بي سي سان ڳالهائيندي چيو ته ٻنهي معاشي اشارن ۾ گهٽتائي جو سبب ملڪ جي سياسي ۽ معاشي صورتحال ۾ غير يقيني صورتحال ۾ اضافو آهي.سڀ کان پهرين اها ڳالهه ياد رکڻ گهرجي ته نگران سيٽ اپ کانپوءِ چونڊن جي تاريخ ڏيڻ ۾ دير سياسي غير يقيني صورتحال ۾ اضافو ڪري ڇڏيو آهي ۽ مارڪيٽ ۾ انتهائي منفي رجحان پيدا ٿي ويو آهي ڇو ته سيڙپڪارن ۾ خدشو پيدا ٿي ويو آهي. فرح ضياءَ چيو ته پي ڊي ايم آخري ڏيڍ مهيني دوران جيڪي فيصلا ڪيا، انهن جا اثر هاڻي اسان کي نظر اچي رهيا آهن، نگران حڪومت ته انهن کي منهن ڏئي رهي آهي.هن چيو ته منهنجو خيال آهي ته سياسي پارٽين کي گڏ ٿيڻ گهرجي ڇو ته اسٽيبلشمينٽ شايد ڪنهن به قسم جي ميثاق معيشت ۾ ڪردار ادا نه ڪندي ڇو ته اها سياسي پارٽين کي هڪ ٻئي خلاف استعمال ڪندي آهي، سوشل ميڊيا صارف نجم علي لکيو آهي ته ’ڪيترن ئي ماڻهن جو خيال آهي ته گورننس سسٽم ڦاٽي رهيو آهي.صارف ريحان شفيق چيو ته اسٽاڪ مارڪيٽ ڪريش ٿي وئي آهي، ان جو الزام گذريل حڪومت تي لڳايو وڃي يا عمران خان تي يا ايوب خان تي. خدا جي واسطي، اسان کي ان کان بچايو وڃي.
