سکر(رپورٽ: آزاد مهر) سکر آءِ بي اي يونيورسٽي جي ڊائريڪٽوريٽ آف ڪميونٽي ڪاليجز اينڊ اسڪولز پاران نوشهروفيروز، دادو، گهوٽڪي، لاڙڪاڻي، خيرپور، جيڪب آباد ۽ سکر جي ڪميونٽي ڪاليجز ۽ اسڪولن ۾ 67 ٽاپ شاگردن لاءِ شاندار هائي اچيورز ايوارڊ تقريب منعقد ڪئي وئي، پ پ اڳواڻ خورشيد احمد شاهه تقريب کي خطاب ۽ بعد ۾ ميڊيا سان ڳالهائيندي چيو ته اميد آهي ته اليڪشن آئين موجب ٽن مهينن اندر ٿيندي، جيتري جلدي اليڪشن ٿيندي تڏهن ئي معيشيت جي تباهي کان بچي سگهنداسين، هن چيو ته جيڪڏهن ڪائي شيءِ خراب ٿئي ته اها خراب ٿيندي ويندي آهي ماضي جي حڪومت کي پڻ ٻڌايو هو ته معيشت تباهه ٿي رهي آهي ملي ڪري مسئلو حل ڪريون ڇوته اسان سمجهي ويا هئاسين ته پاڪستان معاشي دلدل ۾ ڦاسي رهيو آهي، هن چيو ته هفتي ڏهن ڏينهن ۾ شهيد جان محمد مهر جا قاتل گرفتار ٿي ويندا، قاتلن جي سڃاڻپ ٿي وئي آهي ته شهيد جان محمد مهر کي ڪنهن قتل ڪيو آهي، صرف جان محمد نه پر تمام ماڻهن کي تحفظ ڏيڻ رياست جي ذميواري آهي، ان موقعي تي سکر آءِ بي اي يونيورسٽي جي وائس چانسلر پروفيسر ڊاڪٽر آصف احمد شيخ پرو وائس چانسلر پروفيسر ڊاڪٽر سيد مير محمد شاهه پڻ خطاب ڪيو،
